«Մենք ջերմորեն ողջունում ենք Հայաստանին եվրոպական աստղային ընտանիքում և ուրախ ենք, որ կարող ենք ընդլայնել մեր շարքերը այս կերպ: Համբավը, որն այժմ վայելում է ՀՍՄ համակարգը Եվրոպայի սահմաններից դուրս, տպավորիչ է: Այն ուժեղացնում է մեզ հատկապես այն փուլում, երբ մենք կանգնած ենք մեր չափանիշների նորացված կատալոգի վերանայման խնդրի առջև, ինչը մենք նախաձեռնել ենք մեր վերջին Ընդհանուր ժողովի ժամանակ»,- ընդգծել է ՀՍՄ նախագահ Մարկուս Լյութեն։
«HOTREC ընտանիքի համար պատիվ է ողջունել նոր անդամների։ Մենք անհամբեր սպասում ենք Հայաստանի Հյուրանոցների Ասոցիացիայի հետ մեր աշխատանքին Եվրոպական հյուրընկալության հետագա ամրապնդման համար։»,- նշել է HOTREC ասոցիացիայի Գլխավոր քարտուղար Մարի Օդրենը։
Հայաստանը նույնպես գոհունակություն է հայտնել իր ընդգրկման վերաբերյալ. «Մեր տեսլականն է հասնել եվրոպական չափանիշներին մեր ոլորտի դինամիկ զարգացումն ապահովելու համար: Դրանցից մեկը հյուրանոցների դասակարգման համար Hotelstars Union-ի Եվրոպական ներդաշնակեցված չափանիշներն են: Միանալով HOTREC-ին ու ՀՍՄ-ին և նաև կարողանալով ակտիվորեն մասնակցել հանդիպումներին և աշխատանքային խմբերին որպես դիտորդ՝ մենք կարող ենք ամեն ինչ պատրաստել հաջորդ տարի Հայաստանում համակարգի ներդրման համար»,- ՀՍՄ ընդհանուր ժողովի ժամանակ ընդգծեց Հայաստանի Հյուրանոցների Ասոցիացիայի նախագահ Միքայել Մայրապետյանը։
Ներկայումս Հայաստանի կառավարությունը, ի դեմս Էկոնոմիկայի նախարարության և Զբոսաշրջության կոմիտեի, համագործակցելով Հայաստանի Հյուրանոցների Ասոցիացիայի հետ, մշակում է նոր օրինագիծ հյուրանոցների դասակարգման նոր համակարգի վերաբերյալ, որտեղ ակնկալվում է, որ ասոցիացիան կզբաղվի ոլորտի չափանիշների սահմանմամբ, հյուրանոցների դասակարգմամբ և հավաստագրմամբ: HOTREC-ին և «Հոթելսթարս» միությանն անդամակցության շնորհիվ մենք ակնկալում ենք մեր երկրի ճանաչելիության և իր նկատմամբ վստահության հսկայական խթան և մրցակցային առավելություն այն հյուրանոցների համար, որոնք միանում են միջազգային համադրելի և վստահելի չափանիշների այս համակարգին», – եզրափակեց Միքայել Մայրապետյանը:
«Հոթելսթարս» միության մասին
HOTREC Hospitality Europe-ի հովանու ներքո Ավստրիայի, Ադրբեջանի, Բելգիայի, Չեխիայի, Դանիայի, Էստոնիայի, Վրաստանի, Գերմանիայի, Հունաստանի, Հունգարիայի, Լատվիայի, Լիխտենշտեյնի, Լիտվայի, Լյուքսեմբուրգի, Մալթայի, Նիդեռլանդների, Լեհաստանի, Սլովենիայի, Շվեդիայի և Շվեյցարիայի հյուրանոցային ասոցիացիաները կազմում են «Հոթելսթարս» Միությունը։ Այն հիմնադրվել է 2009 թվականին և գործում է որպես ասոցիացիա՝ համաձայն բելգիական օրենսդրության, որի գլխամասը գտնվում է Բրյուսելում 2021 թվականից: «Հոթելսթարս» Միությունը հուսալիորեն դասակարգում է հյուրանոցները 1-ից մինչև 5 հյուրանոցային աստղերի կատեգորիաների՝ համաձայն չափանիշների ընդհանուր կատալոգի արդեն 20 եվրոպական երկրներում: Ունենալով արդեն ավելի քան 22,000 դասակարգված հյուրանոցներ կամ 1,2 միլիոն դասակարգված հյուրանոցային համարներ իր անդամ երկրներում, այն առաջարկում է թափանցիկություն, որակ և անվտանգություն հյուրերի և հյուրանոցատերերի համար: Մանրամասն տեղեկություններ կարող եք գտնել www.hotelstars.eu և www.hotrec.eu կայքերում: